Posted by معتز نبيل الهوارى on 31 مايو 2007
بسم الله الرحمن الرحيم
عشرات و عشرات من قصص الحب بعضها حلال و البعض الاخر فى الحرام
من افضل ما سمعت من القصص
من احدى هذه القصص
ان شاب وفتاة عشق كل منهما الاخر اراد الشاب ان يتزوجها رفض كل اهله هذا الزواج لانها نصرانية على الرغم من انه مباح شرعا الا انهم رفضوا ظل هذا الشاب يحب هذه الفتاة ومتعلق بها حتى ضعف فى دينه وترك الصلاة حتى انه قارب على الموت من شدة الضعف
وبينما هو على فراش الموت قال هى نصرانية وان لم احصل عليها فى الدنيا ساحصل عليها فى الاخرة فكفر بالاسلام ثم مات
فى نفس الوقت كانت الفتاة ايضا تحتضر واذا قبل موتها تقول هو مسلم وان لم احصل عليه فى الدنيا ساحصل عليه فى الاخرة فقالت اشهد ان لا اله الا الله وان محمد رسول الله ثم ماتت
الدرس للشيخ نبيل العوضى
المدة : 53 دقيقة
الحجم 4.4 ميجا
Posted by معتز نبيل الهوارى on 28 مايو 2007
السلام عليكم و رحمة الله وبركاته
العنوان غريب انا عارف بس مناسب علشان هو بيحوى اننا هنتكلم فى موضوع مهم وهو فعلا مهم و بيحوى انه موضوع من الحياة وهو فعلا هو الحياة نفسها
الموضوع اصله سؤال
انت بتعمل ده ليه ؟؟؟؟
اى حاجة انت بتعملها ليه
هناخد مثال وهو
بتتعلم ليه ؟؟؟
هتقلى بتعلم علشان اكون مسلم مفيد لدينى ووطنى
اقلك ماشى تعال نشوف انت اتعلمت ايه تقدر تفيد بيه دينك ووطنك
هتقلى التعليم هو فاشل وان ده مش ذنبك
طيب ياسيدى تعال نتعمق شوية
انت ياترى هل كنت بتكون مركز فى المحاضرات اللى انت كنت بتحضرها ولا مكنتش بتحضر اصلا
هل انت لما كنت بتروح الكلية كنت بتروح و فى نيتك الاجابة اللى انت مجاوبها من شوية انك تكون مسلم مفيد لدينك ووطنك ولا كنت رايح تحضر علشان غياب المحاضرة
هل انت لما كنت بتغش وانت بتمتحن كانت برضه نيتك انك تكون مسلم مفيد لدينك ووطنك
الموضوع ده مش علشان تذاكر ولا تبطل تغش
الموضوع هو مشكلة الكل بيعانى منها وده كان مثال للمشكلة
المشكلة هى انك لما تكون لما تبدا تعمل اى حاجة انك بتكون عندك نية معينة وبمرور الوقت النية ده بتتمحور وتتغير حسب ظروف لغاية لما تلاقى هدفك الاساسى اللى انت وصلتله هو عكس الهدف اللى انت كنت عايز تحققه !!! صح ولا لأ
الدليل انك كنت عايز تتعلم علشان تفيد دينك ووطنك وتكون مسلم نافع -عمل خير جزاك اللى خيرا عليه- بس للاسف النهاية مكانتش زى البداية النهاية كانت انك كنت بتغش فى الامتحان وتقول يارب انجح – اعتقد ان الغش مفيش جدال فيه انه حرام – طيب كنت بتتعلم ليه بقى مدام التعليم فاشل و كمان مبتتعلمش وكمان بتشيل ذنوب
الأجابة واضحة و طبيعية
والناس تقول عليا إيه !!!!!؟؟؟؟
ده ان شاء الله موضوعنا الجاى
و السلام عليكم ورحمة الله وبركاته
Posted by معتز نبيل الهوارى on 24 مايو 2007
بسم الله الرحمن الرحيم
هذا الموضوع هو الثانى فى سلسلة خدمات جوجل ونتناول ان شاء الله خدمة تهم العديد من مستخدمى الويندوز ألا وهى
Google Web Accelerator
فهذه الخدمة تعمل على تسريع التصفح على الانترنت من خلال استخدام خاصيتين تقدمهم جوجل
client software on the user’s computer
data caching on Google’s servers
تعمل هذه الخمة من حفظ المواقع التى تتصفحها ثم يتم حفظ اخر التحديثات لهذه المواقع بحيث عند قيامك بطلب هذه الصفح مرة اخرى يتم ارسال التحيثات بشكل مضغوط لزيادة السرعة
للتحميل
لمزيد من المعلومات
Posted by معتز نبيل الهوارى on 18 مايو 2007
Posted by معتز نبيل الهوارى on 17 مايو 2007
بسم الله الرحمن الرحيم
أنا عايز اغير عنوان الموضوع واخليه ليه انجليزى ؟؟؟ المفروض يكون ده العنوان الأصح والاكثر دلالة على محتوى الموضوع بس للاسف نظرا لإنتشار عادة الكتابة بالانجليزى فكان من الغريب الكتابة بالعربى علشان كده كان لازم اوضح … ليه عربى ؟؟؟
فى أحد خطب الجمعة لشيخنا الشيخ احمد جلال بارك الله لنا فيه وفى علمه كان قد تكلم عن الشخصية الاسلامية واهميتها لنصرة الاسلام والمسلمين وكانت ابرز نقطة قد تكلم عنها هو موضوع اللغة وذكر قصة احتلال انجلترا لايرلندا الشمالية و كيف ان انجلترا استاطعت محو اللغة الايرلندية واستبدالها باللغة الإنجليزية بهدف محو الشخصية الوطنية لدى الشعب الايرلندى من خلال محو لغتهم و ده بالفعل اللى حصل و استقلال ايرلندا وتحولها لجمهورية حرة محصلش الا بعد استعادة لغتهم الام ومن ثم استعادة شخصيتهم
احنا لو اتكلمنا بلغة الغرب و تثقفنا بثقافاتهم هيكون من الطبيعى اننا نكون تابعين لهم والدليل فى الشوارع تلاقى كل واحد موقفف شعره تقوله ليه يقلك زى الممثل فلان ولا اللاعب فلان هم دول قدوتهم !!!! هل يجوز ان يتخد مسلم قدوته انسان كافر !!! على اى حال ده شئ طبيعى نظرا لانتشار الجهل الدينى لدى كثير من المسلمين
وانا عايز اضيف حاجة ان التشبه بالكفار مش مكروه دائما وانما فى ما ليس فيه نفع للمسلمين ولكن التشبه بهم لما فيه نفع للمسلمين كالعلم فليس فيه اى شئ
انا كنت عايز اوضح بس انا ليه غيرت البلوج بتاعى مهو انا معتقدش انى المسلمين هيستفيدوا لما اكتب المدونة -البلوج- بالانجليزى وعلشان كده انا فضلت انى اكتبه بالعربى- خليط من الفصحى و العامية المصرية لايصال المعنى بابسط شكل- مع الحفاظ على المصطلحات الانجليزية كما هى
Posted by معتز نبيل الهوارى on 16 مايو 2007
السلام عليكم و رحمة الله و بركاته
ان شاء الله هنتكلم عن أول خدمة من خدمات جوجل فى سلسلتنا ألا وهى
GOOGLE DESKTOP
تقدم جوجل خدمة البحث فى جهازك الخاص بدلا من إستخدمات البحث الخاص بنظام التشغيل وكما إعتادت جوجل على ان تقدم كل ما هو متميز فمحرك البحث هذا يدعم انواع كثيرة من الملفات منها
Gmail , Outlook Express , Word , PowerPoint , … , PDF , Images , Netscape / Firefox / Mozilla , …
والمفاجأة ان هذا البحث يتضمن أيضا الملفات المحذوفة !!!
و هذه الخدمة متاحة لأنظمة التشغيل ويندوز و ماك أوأس كما توفر جوجل
Plug-ins Developer SDK
و ذالك لتشجيع المطورين على دعم هذه الخدمة و تطوير بعض الإضافات لها
لتحميل هذه الخدمة
للمزيد من خصائصها
و لتحميل بعض الإضافات
أحدث التعليقات