بسم الله الرحمن الرحيم
السلام عليكم و رحمة الله و بركاته
تحتوى منحة وزارة الاتصالات MCIT 2010 على 8 مسارات :
1- تطوير وادارة قواعد البيانات “Database Development and Administration”
المسار يعد المتدرب ليكون مبرمج و مدير سيرفر قاعدة بيانات الخاصة بمايكروسوفت و المنحة مقدمة من اربع شركات بعد الاضطلاع على تفاصيل المنحة المقدمة من كل شركة فالأفضل هى شركة RAYA نظرا لانها تقدم 5 امتحانات دولية خلال المنحة فى حين ان الشركات الاخرى Virgitech,Vision,Yatتقدم 4 امتحانات فقط لكن من الملاحظ ان شركة Vision تقدم تدريب افضل للغة الانجليزية استعدادا لامتحان التويفل الذى سيتم داخل المنحة
2- تصميم وتطوير جرافكيات الحاسب “Graphics Design & Development”
الحقيقة المسار اسمها ربما يخدع الكثير خاصة المتابعين للمنح السابقة فهذا المسار يشمل جرافيك و برمجة و ليست جرافيك فقط و هى موجه لمبرمجة اللعاب بشكل كبير باستخدام تكنولوجيا الDOT NET
3- هندسة نظم وتأمين الشبكات “Networking System Engineer & Security”
المسار موجه الى ادراة السيرفرات الويندوز الخارجية و تخصص تأمين السيرفرات
4- بنية شبكات الحاسب “Networking Infrastructure & Security”
ربما يكون الاسم العربى لهذا المسار اوضح لمن لا يعرف الفرق بين هذه المسار و “هندسة نظم وتأمين الشبكات” فهذا المسار موجه الى ادارة الشبكات و السرفرات الويندوز الداخلية بالضافة الى الروترات الخاصة بسيسكو
5- نظم ادارة انظمة يونكس/لينكس “Linux/Unix System Administration”
المسار يعد المتدرب ليكون متخصص تامين و ادارة سيرفرات لينوكس و يونكس و المنحة مقدمة من شركتين New Horizons و تقدم يونكس سولريز و شركة YAT و تقدم لينوكس ريدهات
6- تطوير التطبيقات الموجة نحو الكينونات “Object Oriented Applications Development”
بالطبع ترجمة حرفية “بشعة” لاسم المسار, على اى حال المساريعد المتدرب ليكون مبرمج برامج ديسك توب مثل الوفيس وان كان بعض المسارات متوسعة اكثر و المنحة مقدمة من خمس شركات : New Horizons و تدرس جافا SCJP & SCBCD وهذه هى الافضل بينهم و شركة Raya وتدرسIntro C# & ASP.NET و شركة VirgiTech و تدرس Desktop Applications with C# وشركة Vision وتدرس Desktop Applications with C# و شركة YAT و تدرس Desktop Applications with C#
بالطبع لا أنصح أحد بهذه المنحة الا المقدمة من شركة New Horizons حيث ان اغلب شغل البرمجيات تتم على الويب وعمل المواقع وهذا غير موجود بهذا المسار لذا اما سيجد فرص عمل قليلة او سيكمل مذاكرة الجزء الخاص بالويب خارج المنحة
7- تطوير تطبيقات الويب “Web Applications Development”
المسار الاكثر فرص للعمل فى السوق المصرى حاليا , المساريعد المتدرب ليكون مبرمج مواقع على شبكة النترنت و هى مقدمة من ثلاث شركات New Horizons وتدرس JAVA SCJP & SCWCD& SharePoint &Web 2 وهذه الافضل بينهم فالمحتوى يغطى احتياجات سوق العمل بشكل كبير و شركة Rayaو تدرس ASP.NET 3.5& SharePoint و شركة YAT و تدرس ASP.NET & perl و ربما php وهذه الأسؤ بينهم
8- تطوير تطبيقات جافا للنظم المحمولة “Java Mobile Applications Development”
مسار مستقبل السوق المصرى ,المسار يعد المتدرب ليكون مبرمج برامج على الموبيل SCJP & SCMAD
ربما يكون التحليل مجمل , ولكن فى انتظار استفساراتكم
Pages:
لو سمحت يا بشمهندس معتز
بالنسبه لتراك
7- تطوير تطبيقات الويب “Web Applications Development”
ليه حضرتك شايف ان شركه yat اسوأ تدريب ؟ ومعنى كده ان العرض بتاعهم مش مفيد لسوق العمل ؟ ارجو من حضرتك الاجابه على استفسارى و يا ريت نصيحتك كمان ولك جزيل الشكر
السلام عليكم كنت عايزه اسئل حضرتك انا فاهمه ويب ديزاين درسته اكمل web aplication
انا برضه بحب داتا بيز بس محتاره بين التراكين وبصراحه نفسى اتخرج اشتغل علطول وان شاءالله ناويه اجتهد جدا فالمنحه لو حصل نصيب
تم تغيير ( وانشاءالله ) إلى ( وان شاءالله )
@zizo
بخصوص المسار المقدم من شركة YAT هو اسوأ محتوى من بين شركات مسار “Web Applications Development” لانه قام بتدريس perl و ليس لها طلب فى السوق المصرى و تدريس كورس سريع عن ASP.NET ربما لا يكون كافى للمتدريبين , لكن بالمقارنة بشركة New Horizons فقاموا بتحضير محتوى يجعل المتدرب جاهز 100% للعمل
@mai
و عليكم السلام و رحمة الله و بركاته
فرص العمل فى مجال قواعد البيانات اقل بالتاكيد من مجال برمجة الويب
لقلة تعين الشركات لمدير قواعد بيانات ل MS SQL وبما انك عند خبرة ودراية فى التصميم مواقع الويب فان شاء الله تفيدك فى العمل كمبرمجة ويب
السلام عليكم ورحمة الله
أنا الحمد لله سجلت في تراك نظم ادارة انظمة يونكس/لينكس “Linux/Unix System Administration” في نيوهوريزون، ياريت حضرتك تكلمنا عن فرص عمل هذا المسار في مصر، ولو حابب أخد شهادات أكتر في نفس المجال إيه إلي مفروض أخدوا ؟
شكرا لردك بجد ويارب اكون موفقه واتقبل بس انا فالقاهره وانت بتقول new horizon احسن من raya ربنا يسهل
مفيش اخبار عن الانتيرفيو وفى امتحانات iq&english
الأستاذ محمد جمال بما ان حضرتك سجلت فى المنحة
انا كمان بسجل حاليا فى المنحة لكن فيه حاجة واقفة معايا فى الأبليكشن وهى رقم سكل كارد أى سى دى ال ولما بكتب الرقم الموجود على الشهادة بيقولى الرقم غير صحيح مع العلم انا واخدها خاصة مش منحة ياترى ايه العمل فى المشكلة دى ؟؟
أستاذ عبدالرحيم ياريت متعملش مسافة بين الأرقام خالص اكتب الرقم كله بدون مسافات.
وبالتوفيق إن شاء الله.
شكرا جزيلا يا بشمهندس معتز على ردك على استفسارى و جزاك الله كل خير على مجهودك معانا و فى سؤال كمان معلش كنت عايز اسال حضرتك لو انا قدمت مثلا فى شركه نيو هورايزون فى تراك الويب فى اسكندريه وانا من طنطا عادى ولا لازم اكون اسكندرانى؟ ولو انا موفقتش فى اسكندريه هل ممكن اقدم تانى فى طنطا؟ وانا اسف انى طولت عليك
شكرا استاذ محمد جمال
تم التسجيل وان شاء الله هيتم تحديد موعد للمقابلة الشخصية يوم 9 سبتمبر
عندك فكرة عن المقابلة الشخصية ؟؟
لو سمحت يا م/ معتز أيهما أفضل تراكDatabase Development and Administration أمObject Oriented Applications Development وايه هو المجال الأكثر فرص عمل فيهم، وجزاك الله خيرا.
- عند التسجيل هناك خانة ICDL Certificate Date مفيش تاريخ لشهادة الـICDL فنكتب عادي تاريخ آخر امتحان.
- ولو سمحت يا م/ معتز أيهما أفضل تراكDatabase Development and Administration أمObject Oriented Applications Development وايه هو المجال الأكثر فرص عمل فيهم، وجزاك الله خيرا.
@zizo
عادة فى الانترفيو هتتسال هل هتقدر تيجى كل يوم فى المعاد من طنطا لأسكندرية ولا هتسكن هناك لكن بالنسبة ليهم مش هتفرق حاجة , لو موفقتش فى اسكندرية معتقدش انك تعرف تقدم فى طنطا علشان ساعتها هتكون محتاج تعمل انترفيو تانى الا اذا هم عملوا اسثناء للناس انها تغير بعد اخر معاد للتسجيل
@إبراهيم فارس
مسألة الافضل فده حاجة تختلف من شخص لشخص لكن شغل DBA DataBase Administrator قليل اما البرمجة فمنتشرة و فرصها كتير جدا
كنت عايزه اسئلك انا شايفه نفسى مش قويه اوى فالبرمجه هل web application development ده فى شغل برمجه جامد ولا ايه انا اصلا خريجه علوم كمبيوتر الموضوع انت شايف ايه ومركز raya كويس
لو سمحت يا بشمهندس معتز انا محتار جداااا ,انا مصمم جرافيك دارس photo shop,illustrator,indesign محتار اختار اى مسار بين الويب والجرافيك بصراحه انا على استعداد تام انى اجتهد فى المنحه بس عايز اعرف اى مجال ليه سوق عمل كويس ومطلوب خصوصا ان الجرافيك عن برمجه الالعاب هل ده مطلوب؟؟؟؟؟؟ ولا الويب والبرمجه
لو سمحت يا ريت تشرحلى رايك بالتفصيل وانا اسف انى بطول على حضرتك
@mai
مسار web application development هو كله برمجة , فلو انت مش قوية فى البرمجة انت ممكن تتعلمى كويس فى المنحة لكن لو انت مش حابة البرمجة ده حاجة تانية . شركة راية من الشركات الكبيرة و المحترمة فى مجال التدريب لكن خلى بالك ان المسار اللى بتقدمه شركة راية مش لازم يدرس فى فروعهم لا ممكن يكون فى شركات تابعة لهم وهم دول اللى ممكن يكونوا مش كويسين
@zizo
انا معرفش ولا شركة شغالة فى برمجة الالعاب , لو برمجة الويب اكيد ان شاء الله هتكون مفيدة ليك خاصة ان فى بعض الشركات بتحتاج مبرمج ويب عنده خبرة فى برامج الجرافيك ممكن اللى بيطلبوا ده قليل بس موجود وكمان انت هيكون معاك شغال برمجة فلو ملقتش حاجة عايزة معرفة بالجرافيك فانت ممكن تشتغل كبرمجة ويب بعيد عن الجرافيك , انا من راى انك تخش المنحة الويب و ان شاء الله ربنا يوفقك وييسرلك امرك
بشمهندس معتز أرجوك ترد عليا المرة دي، حابب أعرف إيه رأيك في مسار اليونكس، أنا الحمد لله سجلت، في نيوهوريزون مدينة نصر في المسار ده وحابب أعرف رأيك فيه.
@محمد جمال
مسار اليونكس لشركة نيوهورايزون أنا شايف انه احسن مسار فى المنحة كلها بس اللى يقدر يتابع و يفهم المحتوى كامل , الشركة مقدمة شهادات عالمبة تكفى انها تدخلك اى شركة فى مصر محتاجه Unix Administrator كورسات ال Linux&Unix مبتكونش سهلة انا اعرف ناس فضلت اكتر من سنة علشان تذاكر كورس لينوكس و مخلصتش علشان مذاكرش اثناء الكورس , ربنا يوفقم و تدخل المنحة ثم تستفيد منها بأقصى استفادة
جزاك الله خيراً يا بشمهندس معتز. يارب يفوقنا جميعاً فيما فيه الخير لنا وللناس أجمعين.
لو سمحت يا بشمهندس معتز ممكن حضرتك تكلمنا شويه عن الجافا كلغه برمجه ,ومجال العمل بتاعها فى مصر والدول العربيه,ورأى حضرتك فى تراك java mobile application
وهل علشان ادخل تراك البرمجه لازم اكون عندى خبره عنها؟علشان الانتر فيو
وبجد بجد شكرا لمجهود حضرتك معانا وجزاك الله خيرا
لو سمحت يا بشمهندس معتز,أنا خريج هندسة قسم علوم حاسب الي وعايز اختارالتراك بتاع النتورك سيكورتي بس مظلل ومش عارف اختاره ؟ممكن تقولي ليه
أنا سجلت فى المنحة وأخترت تراك data base and adminstration من شركة YAT لكن انا حابب التراك نفسه فعاوز أعرف مجالات العمل المتاحة بعد انتهاء المنحة ايه وعاوز أعرف ايه اللى هيحصل فى المقابلة الشخصية عشان أنا قلقان منها جدا
وشكرا يا استاذ معتز على مجهودك
على فكرة انا اسمى عبدالرحيم الهوارى … ههههههههههههه
ربنا يباركلك لانك بتحاول تساعد الناس وده ثواب كبير لان خيركم من تعلم العلم وعلمه انا عاوز اعرف ايه افضل تراك داخل مصر وخارجها ومستقبله جيد وحضرتك تنصحنى بايه ويارب ترد عليا ومتنسنيش انا اخترتjava mobile application هل ده ممكن يتناسب معايا ومستقبله جيد وعاوز شرح مفصل عنه عشان الانتر فيو وربنا يباركلك
السلام عليكم
شاكر ليك جدا على المعلومات الوفيرة اللى حصلت عليها من موقعك..
لو سمحت يابشمهندس ياريت لو تعرفنا مجالات عمل
web development ( ASP.net & Sharepoint)
ورأيك الشخصي ايه .. انا شفت على موقع ميكروسوفت لقيت ان الامتحانات الموجوده في تراك الويب في شركة رايه بيدي شهادة MCTS من ميكروسوفت هل فعلا بيدوا الشهادة دي بعد الدورة والامتحانات؟
وياترى نظام المقابله الشخصيه ايه وفي امتحانات انجليزي واي كيو ولا لا؟
لو سمحت يا بشمهندس معتز انا سجلت فى تراك Object Oriented Applications Development
فى itc فى المحلة
وكنت حابب اعرف ايه فرص العمل المتوفرة للمجال ده بعد اما اخلص ان شاء الله
وانا اسف يا بشمهندس انا بتقل على حضرتك كنت عاوز استفسر فى حاجة
هل لو العدد اللى المفروض يتقدم فى مركز معين مكتملش فى المركز ده هل بيتم تحويل اللى اتقدموا فى المركز ده لو عددهم قليل لمركز تانى فيه نفس التراك ولا ايه اللى بيحصل فى موضوع زى ده ؟
بالنسبه لتراك الجرافيك فاناعندى خلفيه كويسه عن الفوتوشوب والاليسترتور ودخلاه عشان اكون جرافيك ديزين بس لما قريت التحليل هنا وعلى موقع التسجيل مش عارفه هل ممكن يفيدنى ويضيف ليا ولا ملوش لزمه
اسأل الله العظيم رب العرش العظيم انة يجازيك خير لان احنا مش عارفين نسأل مين بالظبط
عندي استفسارات مش هطول معلش
بالنسبة هل اليونكس مطلوب في مصر والخليج و لا قليل .؟
بالنسبة للشبكات هل هو تراك كويس في نيو هورايزون و لا لأ؟
أصل انا شغال it في شركة و مش عارف ادخل يونكس و امشي في الشبكات مع نفسي و لا العكس
انا امتحان الicdl بعد العيد ممكن احجز بالرقم و بعدين امتحن و لا لأ ؟
لو مفيش نصيب السنة دي انا خريج 2006 هل هيكون ليا فرصة ادخلها السنة الجاية
kwnt 3yza a3rf fe fara2 byn raya heliopilias wraya madinat nasr f track database admin wmwmkn a7awl lw at2balt w3ayzyn n3rf akhbar 3n alinterview wthanks mw3taz.
@gahreeb
منحة النتورك سيكيوريتى مخصصة لخريجي هندسة اتصالات فقط
@mohamed
انت لازم تختار الاول هل انت عايز برمجة ولا شبكات و ادراة سيرفرات , Java Mobile Application هى حاليا مش منتشرة اوى فى مصر زى برمجة الويب لكن ليها مستقبل كويس ان شاء الله اما بره مصر فانا مشفتش حد بيطلبها حتى الان
@عبدالرحيم
التراك ده بيدرس ادراة قواعد بيانات MS SQL بتاعت مايكروسوفت و اللى مش منتشرة اوى زى اوراكل مثلا و كمان شغلها مش مطلوب اوى علشان عادة اللى بيحتاج مدير قاعدة بيانات ل MS SQL بتكون شركة كبيرة و عادة بتكون عايزة واحد او اتنين , انا مش عايز ايأسك لكن التراك لو انت متمسك بيه هيكون عايز منك صبر و اجتهاد علشان مينفعش اللى يمسك سيرفر قاعدة بيانات يبقى مستواه نص نص
مرحبا بك عضو عائلة الهواره الكبرى
@عمرو عتمان
و عليكم السلام و رحمة الله و بركاته
بخصوص تراك web development ( ASP.net & Sharepoint) فهو كويس لكل اللى عايز يشتغل بتكنولوجى مايكروسوفت فهو بيعلمك تكنولوجى المطلوبة دلوقتى فى السوق ASP.NET وكمان SharePoint فبالتوفيق
بخصوص الامتحانات فهم لازم يدخلوك الامتحان و توصلك شهادات من مايكروسوفت بالضبط زى اللى دافع فلوس و بيمتحن من خلال مايكروسوفت
بخصوص المقابلة عادة انت هتتكلم عن نفسك و ليه عايز تخش المنحة و لو تعرف حاجة فى البرمجة و حاجات زى ده
هو مفيش امتحان انجليزى ولا اى كيو حسب كلام الوزارة
@محمود
تراك Object Oriented Applications Development بعلمك ازاى تعمل برامج ديسك توب بلغة السى شارب حاجة زى برامج الصيدليات و السوير ماركت و الشركات و … , الحقيقة شغل السى شارب لبرمج الديسك توب معدش شغله كتير بالنسبة للشركات الكبيرة اللى بتعين بمرتب كبير و اللى بيطلب عادة بتكون شركة صغيرة بمرتب مش كبير . اللى بيطلب اكتر فى السوق حاليا هو شغل الويب و اللى انت ممكن تتعلمه بعد المنحة لوحدك – تراك ASP.NET
@محمود
ده حاجة تبع الوزارة و الشركة ومعتقدش انها حصلت حتى الان , بس عادة صعب لان المنحة نازلة كمناقصة بالاماكن ده و فى عقود باسامى الشركات ده و فروعها يعنى لو اى حاجة تحصل ممكن من الشركة بدون علم الوزارة و ممكن يضر الشركة جدا
@شيماء
تراك الجرافيك هو برمجة جرافيك يعنى الهدف من التراك ان اللى يطلع يشتغل مبرمج العاب فالمنحة بتدرس شوية جرافيك و شوية برمجة .NET يعنى مش تخصص جرافيك ديزاين . المنحة فيها حوالى 20 يوم بس جرافيك من 90 يوم مخصصين لتدريس تخصص المنحة فاعتقد لو تاخدى كورسات فى الحاجات اللى انت محتاجها بيقى احسن و اوفر للوقت
@احمد عبده
اليونكس ان شاء الله لو انت بقيت كويس فمتقلقش من حتة الشغل -لو ملقتش ابقى كلمنى و انا ان شاء الله اشغلك و فى شركة كبيرة كمان-
مفيش تراك شبكات فى نيوهورايزون
انت ممكن تسجل بالرقم بس المهم انك تلحق تمتحن قبل الانترفيو
هو عادة المنحة بتكون لدفعات اخر خمس سنين لكن المرة ده زودوا المدة علشان منزلتش السنين اللى فاتت لكن ان شاء الله يكون ليك فرصة السنة اللى جاية برضه لكن متحاولش تستنى
لو انت شغال انت ممكن تاخد كورسات فى اللى انت عايزه , اى حد شغال مش المفروض انه يستنى المنحة انك كده ممكن تضيع وقت كبير
@mai
الانستركتورز فى الشركات بيتنقلوا بين الفروع يعنى لو فى واحد كويسة فى فرع ممكن تلاقيه بيلف مصر كلها علشان يدرس جزء معين فى المنحة
الانترفيو بتكون عبارة عن اسئلة انت ليه عايز تخش المنحة و بتعمل ايه و تعرف ايه عن التراك اللى انت مقدم فيه
يعنى يا بشمهندس معتز تنصحنى انى اغير التسجيل واختار web app. development
لانى انا سجلت فى oop فى itc فى المحلة
ايه رايك لانى انا كده احترت جدا
وأنا كمان احترت
مش عارف أكمل فى data base adminstartion ولا أغير ولا ايه ؟؟
انا محتار بجد
أستاذ أحمد عبده ياريت نتواصل لأن انا مسجل في تراك يونكس نيوهوريزون مدينة نصر. وده إيميلي muhamed_gamal_abada@yahoo.com
@محمود
هى ممكن تكون المنحة مش هتجهزك بشكل 100% لسوق العمل كمبرمج لكن انت بشوية مجهود تقدر تحصل الحاجات اللى نقصاك غير انك ممكن تاخد المنحة ومتشتغلش فى البرمجة ممكن تشتغل system analyst و ده بتكون وظيفته انه يحلل البرامج قبل ما تتعمل و المفروض يكون عارف برمجة بس مش جامد
أخيرا استخير الله و ربنا يعمل ما فيه الخير
@عبدالرحيم
انا مش عايز اكون متحامل على التراك ده بس انا شايف ان شغله قليل جدا فى السوق , انا عارف شركات عندها مواقع كبيرة على الانترنت و شغالة فى مجالات مهمة و قاعدة البيانات بتاعتها معمولة MS SQL ومع ذلك اللى بيتابع قاعدة البيانات هو اليتم ليدر بتاع المشروع مش DBA
شكرا يا استاذ معتز على الرد السريع ربنا يباركلك انا تخصصى مش هندسه بس حابب اتعلم حاجه تنفعنى فى المستقبل وتكون مطلوبه قوى فى مجال العمل اول ليها شغل فى شركات كبيره ولذلك اتمنى ان تنصحنى اتخصص فى ايه بالظبط وشكرا ليك وارجوا الرد السريع نظرا لضيق الوقت وشكرا
والله لا تعرفون قد اية انا شاكر ليكم
أنا شوفت الخبر ده
هل هو صحيح
——————————————————
وافق
الدكتور / طارق كامل وزير الاتصالات وتكنولوجيا المعلومات على مد فترة
التسجيل فى برنامج التدريب المتخصص على تكنولوجيا المعلومات حتى نهاية
سبتمبر 2010 تلبية لرغبة اعداد كبيرة من شباب الخريجين حتى يمكنهم استيفاء
الشروط المطلوبة للالتحاق بالبرنامج هذا العام
وذلك لاستكمال الاوراق المطلوبة من شهادات وخلافه
ونتمنى للجميع النجاح والتوفيق
———————————————————-
اية نسبة صحة هذا الخبر
@احمد عبده
الخبر نازل على موقع التقديم معتقدش ان فى اصح من كده
http://www.mcitprof-train2.gov.eg
@mohamed
انت بتتكلم على مسارات المنحة ولا بشكل عام ياريت تبعتلى على الايميل يبقى احسن
أستاذ عبد الرحيم أنا كمان دخلت Database Development and Administration يا ريت أي حد دخل التراك ده نتواصل مع بعض على الإميل ib_fares@yahoo..com