بسم الله الرحمن الرحيم
السلام عليكم و رحمة الله و بركاته
أعلن الدكتور/ طارق كامل وزير الاتصالات وتكنولوجيا المعلومات عن انطلاق المرحلة الثالثة للتدريب المتخصص على تكنولوجيا المعلومات (2010 – 2013) والتي نستهدف تدريب حوالي 6000 فرد على أحدث تقنيات وبرامج تكنولوجيا المعلومات على مدار ثلاث سنوات وبمعدل حوالي 2000 متدرب سنوياً سوف يبدأ تدريب السنة الأولى منها منتصف سبتمبر 2010.
وأضاف سيادته أنه قد تم اختيار واعتماد خمس شركات متخصصة في مجال التدريب على تكنولوجيا المعلومات والبرمجيات للقيام بالتدريب وذلك طبقا لمقاييس جودة عالمية نضمن من خلالها الحصول على متدربين مؤهلين تأهيلاً عالياً يضاهي ما يحصل عليه نظرائهم في أكبر الشركات العالمية في العالم وذلك للوفاء بمتطلبات سوق العمل المحلية والدولية، وليصبح بعدها الخريج مسلحاً بعدة شهادات دولية معتمدة تبرهن على المسار التدريبي الذي اجتازه.
وأضاف الدكتور/ إكرام فتحي كبير مستشاري وزير الاتصالات وتكنولوجيا المعلومات للتنمية البشرية والتدريب أن البرنامج التدريبي لهذه المرحلة يشتمل على 1260 ساعة تدريب فعلية على مدار 9 شهور في 8 مسارات تدريبية رئيسية على النحو التالي:
1. Database Development & Administration تطوير وإدارة قواعد البيانات
2. Graphics Design & Development تصميم وتطوير جرافيكيات الحاسب
3. Networking System Eng. & Security هندسة نظم وتأمين الشبكات
4. Networking Infrastructure & Security بنية شبكات الحاسب وتأمينها
5. Linux/Unix System Administrationنظم إدارة أنظمة يونيكس/لينكس
6. Object Oriented Application Development تطوير التطبيقات الموجهة نحو الكينونات
7. Web Applications Development تطوير تطبيقات الويب
8. Java Mobile Applications Development تطوير تطبيقات جافا للنظم المحمولة
كما أضاف الدكتور/ إكرام أن التدريب سوف يتم في حوالي 40 مركز تدريب معتمد عالمياً فى 13 محافظة هي: (القاهرة، والجيزة، وحلوان، و6 أكتوبر، والإسكندرية، والدقهلية، والشرقية، والغربية، ودمياط، وبورسعيد، والفيوم، وأسيوط، وسوهاج).
هذا ويشترط في المتقدم للتدريب في هذه المرحلة الآتي:
• أن يكون خريج إحدى الجامعات المصرية سنوات بداية من 2005 إلى 2010
• أن يكون حاصلاً على الرخصة الدولية لقيادة الكمبيوتر ICDL.
• أن يكون حاصلاً على شهادة Local TOEFL بدرجة 400 على الأقل من أحد المراكز المعتمدة.
• أن يكون قد أدى الخدمة العسكرية أو أعفى منها أو مؤجل لسنة على الأقل (بالنسبة للذكور).
• أن يكون متفرغاً تماماً طوال فترة التدريب (حوالي تسعة أشهر).
وجدير بالذكر أن هذه المنحة مجانية بالكامل بالإضافة إلى حصول المتدرب على مكافأة شهرية طوال فترة التدريب وهذه المكافأة مرتبطة بانتظام المتدرب في الحضور ومستوى أداؤه وكفاءته.
وسيتم فتح باب التسجيل نهاية شهر يوليو الجاري من خلال الموقع الإلكتروني الذي سيتم إطلاقه على شبكة الانترنت للتسجيل، وكذلك الموقع الإلكتروني لوزارة الاتصالات وتكنولوجيا المعلومات. هذا وسوف يتم الإعلان عن بداية التسجيل عبر وسائل الإعلام قبل نهاية شهر يوليو الحالي.
Pages:
طب لوسمحت هو فى وقت بين ميعاد التسجيل
وتقديم الاوراق يعنى ممكن الحق اخد الicdl والتويفل
ياريت حد يرد علية
@Nancy
ان شاء الله فى فترة حوالى اسبوع على الاقل , ده حسب المنح السابقة
يعنى لو مش معايا الاتنين دول
دلوقتى خلاص اصرف نظر ع المنحة دى
لو سمحت هو الاوراق هطلبوها منى امتى
بعد انتهاء فتره التسجيل ولا لازم لما اسجل تكون معايا.
@nancy
ممكن لو جاهزة تقدرى تمتحنى النتيجة تطلع قبل معاد التقديم
@samy
ان شاء الله الاوراق بتتسلم فى الانترفيو يعنى بعد التسجيل بفترة
شكرا جدا يابشمهندس على مجهودك .. جزاك الله عنا خيرا
هو بس انا معايا icdl بس من سنتين ينفع ولا لازم حديثة
انا خريجة تجارة انجليزى تنفع لى هذه المنحة واى تخصص فيها يفيدنى
ياريت لو حد وصله معلومه عن بدايه التقديم للمنحه يعرفنا علشان شهر 7 خلص ولسه مفيش جديد وشكرا جزيلا
انا عايز اعرف فين الموقع اللي المفروض الناس تسجل عليه فين اللينك بتاعه؟
@lamia
ان شاء الله تنفع , معتقدش ان شهادة ال ICDL ليها مدة زمنية
@safia
ان شاء الله تنفعلك المنحة , موضوع التخصصات أعتقد كله متاح معادا الشبكات المنح اللى فاتت كانت بتشترط انك تكون خريج هندسة اتصالات او حاسبات و معلومات
@سمر
ان شاء الله التقديم هيتفتح من اول يوم 8\8 , ان شاء الله ساعتها هبلغ الجميع
@محمد
الموقع هو http://www.mcitprof-train2.gov.eg/ بس لسه مش هيشتغل الا لما التقديم يبدأ من اول 8\8
لو سمحت يا بشمهندس معتز هو لازم اقدم اصل شهاده
ICDL
ولا بيان النجاح هيكون كافى وللعلم انا خريج حاسبات ومعلومات ولو قدمت فى تراك الشبكات هل شرط ال ICDL ممكن يتم التغاضى عنه او قبول بيان النجاح وشكرا….
انا سمعت ان الوزارة مش حتقبل بيان النجاح بتاع الاى سى دى ال
لازم الشهادة بتاعة اليونسكو الكلام دة صحيح
@Ahmed
المطلوب هو “شهادة ICDL skill card” اعتقد ان هو ده بيان النجاح , شرط ICDL ضرورى لكل المسارات بتاعت المنحة بغض التظر ان الكلية اللى انت متخرج منها
@nanacy
الموقع مش محدد ان كان المطلوب local ICDL ولا International ICDL فانت ممكن تكلميهم و تسالى
ربنا يعزك يابشمهندس
انا حاليا باخد كورس التويفل ولسة همتحن فيه فى خلال شهر ان شاء الله.. انا كدا الحق التقديم ان شاء الله ولا ايه
وهو المفروض كدا بداية المنحة امتى .. انا خايفة من انى ملحقش التسجيل
ياريت لو حضرتك تعرف اى معلومة تعرفنا
السلام عليكم
هل من الممكن يابشمهندس انى ادخل المنحة من غير التوفل واقدم عادى وبعد كده امتحنه بعد اما اعمل الانترفيو والتقديم فى المنحة ولا هوا مطلوب ضرورى يعنى فى الاول
@ mon3em
امتحان التويفل اساسى اثناء خطوة التسجيل على الموقع
لو سمحت انا عاوزه اعرف اخر ميعاد للتقديم للمنحه امتى ؟؟
السلام عليكم
تحية خاصة جدا للبشمهندس الجميل معتز الهوارى من فضلك انا محتاج اعرف ضرورى اوى اخر ميعاد للتسجيل فى المنحة امتا بالظبط انا بسال عشان انا بالفعل معايا icdl
بس التويفل انا همتحنو فى خلال 3 ايام من دلوقتى وبيقولو هتاخد شهاده بعدها بى 12 يوم وانا كده قلقان جدا ان اخر ميعاد للتسجيل يعدينى ممكن الافاده من فضلك؟؟ فى انتظار الرد فى اسرع وقت وتحياتى معتز بيه
انت هاتمتحن فين بالظبط ……..؟ انا هامتحن يوم الاحد القادم فى الجامعة الامريكي ان شاء الله والنتيجة ان شاء الله تظهر من 3-5 ايام بعد الامتحان يعنى يوم 3 او 5/9 قبل مايتقفل باب التسجيل فى المنحة ب 3 ايام التسجيل هايتقفل فى يوم 8/9/2010 ان شاء الله الحق خده فى الجامعة الامريكية الامتحان ان شاء الله سهل
@تامر عادل
بخصوص آخر معاد للتسجيل هو ان شاء الله 3\9
http://mo3taz.elhawary.net/2010/08/26/last-day-mcit-2010-reservation/
ازيك يابشمهندس عايزه اسئلك انا واخده تويفل السنه اللى فاتت 2009 وعرفت ان المده ساريه سنتان مشعرفه ده حقيقى ولا ايه
ايوة يامى تقدرى تقدمى بيه عادى على فكرة
السلام عليكم ورحمه الله وبركاته
كل عام وانت بخير وصحه وسلامه يا بشمهندس
كان ليا استفسار بسيط : أنا قدمت ف المنحه واتحددلى ميعاد الانترفيو , وقدمت فى تراك الجرافيكس واشتغلت كمان جرافيك ديزاينر بكل برامج الجرافيك , هل لو سألنى فى الانترفيو وقلتله انى اشتغلت جرافيك ديزاينر يكون ده سبب لرفضى لانه ممكن يعتقد انى مش محتاج المنحه ؟ وسؤال اخر : ان عندى 31 سنه واتخرجت 2008 لأنى تركت التعليم لفترة طويله , هل السن الكبير ممكن يكون عائق ليا عند محاوله التفضيل بين المقبولين فى المنحه ؟؟
أنا عارف ان أسألتى غريبه شويه لكن حبيت اخد وجهه نظرك فى أسألتى , وخصوصا ان المنح اللى فاتت كانت بتعتمد على أسأله الذكاء واللغه والى تى لكن السنه دى الله أعلم هيتم التفضيل بين المتقدمين على أساس ايه
وشكرا لحضرتك
@ahmed roshdy
و عليكم السلام و رحمة الله و بركاته
هو تراك الجرافيك جزء كبير منه برمجة للألعاب وجزء الجرافيك ممكن يكون مش كبير و احتمال كبير انك تكون عارفه مدام انت اشتغلت قبل كده , من الافضل انك تشوف محتوى المنحة و تحدد اه اللى انت عايز تتعلمه من المنحة و هل هو محتاج انك تقضى 9
بخصوص موضوع السن فهو ان شاء الله ميكونش عائق بس اعتقد ان هيكون فى اساله بخصوص الفترة اللى فاتت كنت بتعمل ايه ولو قلت انك كنت شغال ممكن تتسال امال عايز تخش المنحة ليه , علشان كده برضه من الافضل انك تكون عارف المحتوى
شكرا جزيلا أخى العزيز
أخوك : أحمد رشدى من الاسكندريه
وكل عام وانت بخير
السلام عليكم كنت عايزه اعرف منك انا لو دخلت المنحه ومستريحتش او كده ممكن انسحب امتى منها والدخول للمنحه هيبقا امتى
iti مكن الناس تخرج فاول شهر
بشمهندس معتز انا جلت فى المنحه واخترت تراك wed development واتحددلى معاد 28 سبتمبر المهم انا خريجه علوم فيزياء ومش عارفه اذاكر ازاى وابدأ منين كمان هما حددوا المقابله الشخصيه مقلوش حاجه عن امتحان iq ,e,it فهل دا معناه انى مش هنمتحن فيهم وكنت عاوزة حضرتك بس تقولى اذاكر ايه بالظبط واحضر نفسى ازاى ومنين اذاكر لانى مش عندى اى حاجه اذاكر منها وكل ما دخل على اى موقع يبقا صعب عيه جدا
السلام عليكم كنت عايزه اعرف ايه هى مميزات المنحةمن ناحية سوق العمل يعنى بعد التخرج مثلا الشغل مضمون او مثلا فى شركات بتاخد خريجى المنحة ؟ انا مسجلة فى تراك networks و هل ممكن اخد كورس اثناء المنحة ؟
@zeezee
مفيش اى امتحان لا انجليزى ولا اى كيو , المفروض كل واحد مقدم على تراك يكون عارف التراك ده محتواه ايه و هيطلع يشتغل ايه لكن مذاكرة مش محتاجه
لو عايزة تقرى فى حاجة معينة ابعتيلى و انا ابعتله شوية لينكات
Object Oriented Application Development
ياريت حضرتك تدينا فكره عن التراك دا المفروض المقابله بعد بكره وانا معرفش حاجه تقريبا ومعرفش هعمل فيها ايه
انا قدمت من شهرين وانهارؤدة بعتولى رسالة بتقول راجع الايميل واتصل بالوزارة
قمت فتحت الايميل ملقتش حاجة وصلت ومش عارف اعمل اية حد يدلنى او يساعدنى ودة رقمى 0177282632
ارجوكم حد يساعدنى
دلوقتى يابشمهندس دخلت على موقع الوزارة(موقع التسجيل بالمنحة)ودخلت رقم بطاقتى وطلعتلى رسالة بإن الإنترفيو بتاعى يوم 19/9/2010 وكتبولى مركز يات طنطا واسم اللى هايقوم معايا بالانترفيو , واتصلت بالمركز فوجئت بيقولى ان لسه مافيش حاجة او معلومة جت لهم من الوزارة وان فترة الاتقديم اتمدت ليوم 30/9 فامش عارف يمكن حضرتك يكون عندك تفسير للأمر ده وشكراً
معلش سؤال كمان طيب انا كده اتحددلى ميعاد المقابلة خلاص فى الفترة الاولة لما كان التقديم اخره 8/9 قبل مايمتد ل 30/9 … طيب هل هايتحددلى ميعاد تانى بعد 30/9/2010…؟
شكرا ً لقد تم الانترفيو على الخير والحمد لله
ياجماعة هى النتيجة ان شاء الله هتظهر امتى وازاى ؟؟
يعنى على النت زى الاى تى اى ولا هيتصلوا بالمقبولين
لأ هيتصلوا بالمقبولين إن شاء الله
انا سمعت ان النتيجة بعد نهاية التقديم ب3 أسابيع يعنى آخر اسبوع فى اكتوبر
ربنا يصبرنا ويكتب لينا الخير أجمعين يارب