بعض تفاصيل منحة وزارة الإتصالات MCIT 2009
بسم الله الرحمن الرحيم
بخصوص شروط منحة وزارة الإتصالات :
- جامعيين خريجي خمس سنوات سابقة أو أقل من غير العاملين.
- التفرغ التام.
- غير مطلوب للتجنيد (للذكور).
- حاصل على شهادتى ICDL & Pre-Intermediate LOCAL TOEFL (Score 400)
المنحة تنقسم الى مرحلتين :
المرحلة الاولى : يتم فيها دراسة اللغة الانجليزية لمدة شهرين على ان يتم عمل امتحان LOCAL TOEFL بنهاية فترة التدريب
المرحلة الثانية : يتم اختيار افضل 80% طبقا لنتيجة امتحان المرحلة الاولى لتكملة المنحة
جميع المعلومات مصدرها كراسة الشروط الخاصة بمنحة وزارة الاتصالات
يمكن تحميلها من هنا
للإطلاع على محتويات المنحة فى كراسة الشروط :
1- Database Development & Administration Track
( MS SQL SERVER , ORACLE DBMS , DB2 ) Page 23
2- Graphics Design & Development Track
Page 26
3- Networking System Eng. & Sec. Track
Page 28
4- Network Infrastructure & Security Track
Page 30
5- Linux/Unix System Administration Track
Page 32
6- Object Oriented Application Development Track
(Java , C#) page 35
7- Web Application Development Track
Page 37
8- Java Mobile Application Development Track
Page 40
9- Software Engineering Track
Page 43
10- Software Engineering Track
Page 46
معتز نبيل الهوارى
11 سبتمبر, 2009
@magda
المرتب موحد بالنسبة للجميع , أعتقد انه كان حوالى 500 او 3 شهور ثم 600 لمدة 3 شهور ثم 700 لمدة 3 شهورده كان المنحة اللى فاتت 2007
التعليم فى منحة ITI احسن بكتير و الITI مسؤل انه يشغلك بمرتب كويس , و هم نفسهم بيرفضوا لو كان المرتب اقل من المتوقع
معتز نبيل الهوارى
11 سبتمبر, 2009
@eng_geelan
المنحة طالبة Local Toefel
بخصوص المنهج اللى ممكن يتذاكر منه علشان الامتحان , انا هحاول اشوف حاجة كويسة و ارفعها على الموقع ان شاءالله
معتز نبيل الهوارى
11 سبتمبر, 2009
@azoz
الامتحانات مطلوبة علشان هم فى المنحة هيعتمدوا عليها لتحديد المستوى , يعنى مش هيمتحنوا الناس فى الحاجات ده
على اى حال استنى لما المنحة تنزل ولو مطلوب اجبارى امتحن
معتز نبيل الهوارى
11 سبتمبر, 2009
@magda
مفيش تامين بيدفع علشاان المنحة , لكن اللى بيخش المنحة بيمضى على تعهد بمبلغ 25 الف لو مكملش المنحة
أخر منحة كان فيها امتحانات IT , IQ , English , ومعرفش المنحة الجديدة امتحاناتها هتكون عاملة ازاى
معتز نبيل الهوارى
11 سبتمبر, 2009
@أنس
ممنوع لأى شخص دخول منحتين تابعتين لوزارة الاتصالات
http://www.iti.gov.eg/Apply-at-ITI-Info/ApplyAtIti30.asp
معتز نبيل الهوارى
11 سبتمبر, 2009
@Ahmed
عادة فى مراكز زى YAT , Orascon , RAYA بتكون فى المنحة
والمراكز التابعة ل MicroSoft , IBM
لكن التفاصيل بتبان لما المنحة تنزل ان شاء الله
mai
11 سبتمبر, 2009
يابشمهندس معتز سالت حضرتك عايزه اجهز نفسى للمنحه استعدلها ازاى وانا خريجه علوم قسم حاسب ونفسى ربنا يوفقنى واقبل فقسم database
magda
12 سبتمبر, 2009
السلام عليكم
متشكرة جدا لحضرتك يا بشمهندس معتز على الرد والتوضيح
بس بيقولوا اختيار الشركة اللى هناخد فيها التراك مهم جدا لان على اساسها بيكون كفاءة التدريب وانة بيكون كويس فى المستوى ياريت حضرتك تقولى اية افضل شركات اختارها؟وهل بتدى كل التراكات ؟ وهل هتكون فى كل الفروع بتاعة المنحة؟
samar
12 سبتمبر, 2009
عاوزه اعرف ميعاد التقديم
enas
12 سبتمبر, 2009
السلام عليكم
اولا شكرا على المجهوووود بجد اكثر من رائع
ثانيا كنت عاوزة اسال حضرتك لو عندك فكرة ايه هى البرامج اللى ممكن ندرسها فى قسم المالتى ميديا ان شاء الله؟؟
ومن المتوقع امتى ان شاء الله يبدأ التقديم فى المنحة؟؟
وجزاك الله خيراا
معتز نبيل الهوارى
12 سبتمبر, 2009
@mai
بم انك ممتحنه ICDL & TOEFEL فاعتقد ان احسن حاجة انك تقرى شوية عن الداتا بيز بشكل عام , و تشوفى اسئلة IQ
معتز نبيل الهوارى
12 سبتمبر, 2009
@Ahmed
انت المفروض تختار التراك اللى انت حابه و المناسب ليك , هو فى 11 تراك موجودين فى الموضوع ده
http://mo3taz.elhawary.net/2009/07/11/mcit-scholarship-2009/
بخصوص الشغل , فاكيد فى شغل بيهم بس للناس اللى بتذاكر المنحة كويسة و تكملها للاخر , للاسف فى 10% فقط اللى بيتابعوا المنحة و للاخر الباقى بيروح علشان الفلوس و بس
فده متوقف عليك
انا فى ناس اعرفها خريحين علوم و زراعة أخدت المنحة و شغالة برمجة حاليا و مستواها كويس
معتز نبيل الهوارى
12 سبتمبر, 2009
@enas
و عليكم السلام و رحمة الله و بركاته
ده الكورسات اللى كانت بتدرس المنح اللى فاتت فى YAT فى التراك بتاع الجرافيك
ACE (Adobe Photoshop)
Macromedia Flash MX Professional
Autodesk 3Ds MAX
Adobe Illustrator
Adobe In Design
Macromedia Dream Weaver
Adobe Premiere pro
Macromedia Director MX
Adobe Acrobat Professional
Discreet Combustion
AutoDesk AutoCAD
XHTML&CSS Fundamental
موعد المنحة غير معروف حتى الان
Ahmed
12 سبتمبر, 2009
هل الواحد لازم يكون عنده خلفيه عن التراك اللى هيدخله ؟
amera
12 سبتمبر, 2009
السلام عليكم ورحمة الله وبركاته
عندى سؤال عن منحة الوزارة تراك الجرافيك هنا فى المنحة افضل ولا فى كلية حاسبات ومعلومات ولا اخده فى اى مركز متخصص زى كيت او يات ؟ انا عيزه علم وشهادة كويسين اثق فيهم والاقى شغل بيهم ان شاءء الله مين الافضل ؟؟؟
amera
13 سبتمبر, 2009
السلام عليكم ورحمة الله
انا سألت على كورس التويفل فى مركز التعبئة والاحصاء هياخد تقريبا شهرين ممكن الحق ؟ ولازم اقدم الشهادة فى الاول ولا ممكن تتأخر شوية على م امتحن ؟
معتز نبيل الهوارى
13 سبتمبر, 2009
@Ahmed
لو المتقدم للمنحة عنده خلفية عن التراك أكيد بتكون ليه اولوية , غير ان ده هيكون عامل مساعد انه يستفيد من المنحة بشكل كويس , لكن مش أساسى
معتز نبيل الهوارى
13 سبتمبر, 2009
@Amera
و عليكم السلام و رحمة الله و بركاته
المنحة ميزتها انها بتغطى كورسات كتير فى التراك واللى هتكون مكلفة جدا لو كانت كورسات فى مركز , وكمان بيكون فى شهادات دولية من أدوبى و بيكون فى مشروع و تطبيق , و ان شاء الله فرص شغل احسن بشرط الجدية فى المنحة
معتز نبيل الهوارى
13 سبتمبر, 2009
@Amera
و عليكم السلام و رحمة الله و بركاته
ان شاء الله هيكون فى وقت كافى للكورس , المهم بعده تكونى جاهزة للامتحان
عادة بيكون فى فترة شهر من نزول المنحة لمعاد تقديم الورق , اعتقد هيكون فى فترة انك تمتحنى لو تضغطى الوقت علشان تلحقى , على اى حال هم عادة بيكونوا متساهلبن فى بعض الورق وبياخدوه متاخر شوية عادى
nour
14 سبتمبر, 2009
السلام عليكم ورحمه الله وبركاته
كل سنه ونتا طيب يا استاذ معتز انا حبه استفسى عن معاد منحه ال9 شهور انا من الاسماعيليه
وعايزه اعرف هتبدا امتا وازاى اقدملها
لان اللينكات الموجوده فيها نتايج هل ده معناه انها خلص باب التقديم ولا ايه
معتز نبيل الهوارى
14 سبتمبر, 2009
@nour
و عليكم السلام و رحمة الله و بركاته
فى منحتين لوزارة الاتصالات ITI & MCIT
منحة ال ITI ده اللى نتائجها اعلنت اما منحة ال MCIT -أعتقد ده اللى انت بتسالى عليها – فلسه معادها منزلش
mai
14 سبتمبر, 2009
سؤال يابشمهندس معتز انا امتحمت تويفل فجامعه عين شمس فشهر 7 والنتيجه 430 وتقديم المنحه فشهر 10 هيل ليها مده ولا هتبقا شغاله لحد المنحه ماتبتدى ممكن اعرف عشان الحق اتصرف
Hatem
15 سبتمبر, 2009
والله يابشمهندس معتز ربنا يكرمك ويبارك فيك ويجعل ذلك فى ميزان حسناتك فقد افدت الكل ولم تقصر ونحسبك على خير(ولا نزكى على الله أحدا) وياريت نمرة تليفونك عشان انا عايز اكلمك و استشيرك ضرورى
معتز نبيل الهوارى
15 سبتمبر, 2009
@mai
لو على فترة صلاحية شهادة التويفل فاعتقد انها 3 سنين , لكن انا مش متاكد
mai
15 سبتمبر, 2009
شكرا على ردك يابشمهندس انا كلمت الدكتور وقالتلى كانت زمان سنتان ودلوقتى بقيت ملهاش مده المهم بجد قلقانه جدا من الانتيرفيو مشعرفه اجهزله ازاى وعشان انا خريجه علوم قسم حاسب هيسالونى تيكنيكال كتير وفمواد البرمجه الاخدتها انا نسيتها شويه ونفسى ادخل قسم database ارجعوا بس ولا راى حضرتك ايه
معتز نبيل الهوارى
15 سبتمبر, 2009
@mai
الانترفيو بتاع ال MCIT بيكون سهل و عادة مفيش اى كلام تكنيكال , مجرد سؤال تقليدى “انت عايز تخش المنحة ليه”
ده كان الوضع فى منحة 2007
ASKhalefa
16 سبتمبر, 2009
سلام عليكم
انا استفدت جدا من الكلام المكتوب هنا … لكن فيه استفسار بسيط:
على الموقع بتاع وزارة الاتصالات مكتوب ان فيه تدريب اسمه التدريب المتخصص و ده هيبقى لخريجي الكليات الهندسية و الكومبيوتر فقط و مدته مش 9 شهور زى العادى لكن على حسب المجال اللى انت هتختاره … ارجو انك تتأكد من المعلومة دى فى الموقع : و ده اللى مكتوب :
ينقسم برنامج التدريب المتخصص إلى محورين:
– محور تكنولوجيا المعلومات
– محور الاتصالات والشبكات
الاولى ده اللى مدته 9 شهور …. و التانى ده مدته متغيرة … انا بطلب توضيح للموضوع ده و شكرا ليك فعلا
http://mcit.gov.eg/ar/specialTraining.aspx
معتز نبيل الهوارى
16 سبتمبر, 2009
و عليكم السلام و رحمة الله و بركاته
فى فرق بين منحة محور تكنولوجيا المعلومات (منحةMCIT) و منحة محور الاتصالات والشبكات ( منحة المعهد القومى للاتصالات NTI)
منحة ال MCIT هى محور النقاش الان , مدتها 9 شهور ولا تشترط كلية معينة الا فى بعض التخصصات زى الشبكات
منحة NTI انا مش عارف ان كانت شغالة لسه ولا لأ , الموقع بتعها قديم , وهى بتشترط خريجى هندسة (حاسبات او اتصالات) و المنحة متخصصة فى الشبكات فقط
ASKhalefa
16 سبتمبر, 2009
شكرا على ردك السريع ….
طيب لو انا عاوز ادخل المنحة التانية ….
هى برده هتنزل مع المنحة بتاعة MCIT و الا بيبقى ليها اعلان لوحدها زى ITI مثلا ؟؟؟
اصل الموقع فعلا مش موضّح اى معلومات عن الموضوع ده
شكرا جزيلا ليك
Hatem
16 سبتمبر, 2009
هى دى منحة CISCO من IT GATE اللى انا قلتلك عليهايابشمهندس
http://www.itgateacademy.com/Course.aspx?ID=17
Hatem
16 سبتمبر, 2009
هى دى منحة CISCO من IT GATE اللى انا قلتلك عليهايابشمهندس
http://www.itgateacademy.com/Course.aspx?ID=17
وعلى فكره المنحة تكلفتها2600 جنية بتدفع 1300 للتسجيل و الباقى بعد شهر من بداية الدورة
و انا اتصلت بيهم و عرفت الكلام ده منهم يعنى أكيد ان شاء الله
محمد عبد الوهاب
17 سبتمبر, 2009
لو تكرمت يا بش مهندس تقول لى … هو حضرتك ان شاء الله هتعرف موعد المنحة أول ما تنزل على طول … يعنى حضرتك فيه وسيلة معينة تخليك تعرف على طول أول ما المنحة تنزل بحيث أننا ممكن نعرف من خلال الصفحة دى ونعتمد عليها ان شاء الله … وربنا يبارك فى مجهودات حضرتك ويجعلها فى ميزان حسناتك
fatma
20 سبتمبر, 2009
جزاك الله خيرا يا بشمهندس
بس لو سمحت اول ما المنحة تنزل تعرفنا على طول
احمد يحيى
22 سبتمبر, 2009
السلام عليكم هل ياترى لازم التوفيل مش ممكن اى شهاده تبع الجامعة الامريكية فى اللغة الانجليزية المستوى السابع شكرا
احمد يحيى
22 سبتمبر, 2009
السلام عليكم ممكن اعلاف معاد التسجيل انا معايا المستوى السابع من الجامعة الامريكية لازمشهادة التويفل
احمد يحيى
22 سبتمبر, 2009
عاوز أعرف ميعاد التسجيل لمنحةMCIT
معتز نبيل الهوارى
23 سبتمبر, 2009
@أحمد يحيى
و عليكم السلام و رحمة الله و بركاته
موعد التسجيل للمنحة لم يتحدد بعد , شهادة التويفل ضرورية لانها تمثل امتحان معترف به دوليا لتحديد المستوى فى اللغة الانجليزية أى شهادة أخرى لا تغنى عنها
Mohamed
24 سبتمبر, 2009
انا كنت عايز اسائلك لو سمحت انا بشتغل من 9إلى 5فهل ممكن انى اقبل و أقدر استفاد منهاو انا مش معايا شهادة التويفل
معتز نبيل الهوارى
24 سبتمبر, 2009
@Mohamed
عادة مفيش منحة مسائى , فمعتقدش انك هتقدر توفق بين الشغل و المنحة
محمد جمال
24 سبتمبر, 2009
هل المنحة بدات فعلا والتقديم اذى وجزاكم الله كل خير
معتز نبيل الهوارى
24 سبتمبر, 2009
@محمد جمال
المنحة لسه مبدأتش و لا التقديم بدا
التقديم هيبدا لما المنحة يتم الاعلان عنها و عادة بيكون من خلال موقع على الانترنت
eng_geelan
24 سبتمبر, 2009
مستر معتز حقيقي بشكر جهود حضرتك وردوودك السريعة واهتمامك فعلا ” خير الناس أنفعهم للناس”
وكل سنة وحضرتك طيب يارب و بألف خير واستايل الموقع الجديد رائع.
ربنا يجعل قبولنا للمنحة على في بشارتك لنا .
emo
25 سبتمبر, 2009
هل هما هيقبلوا التويفل بتاع جامعه عين شمس ولا لازم سكون من الجامعه الامريكيه او اميدايست
emo
25 سبتمبر, 2009
الف شكر يا باش مهندس معتز علي العلومات دي
بس انا كان ليه استفسار بخصوص التويفل
هل هيقبلوا بتاع جامعه عين شمس ولا لازم يكون من الجامعه الامريكيه او اميدايس
Ashraf Bekhit
25 سبتمبر, 2009
السلام عليكم ورحمة الله وبركاته جزاكم الله خير الجزاء على ما تقدمون من نصح ومعلومات وبعد إذنكم لي استفسار بسيط شهادة التويفل عبارة عن شهادة بتقول إيه أنا مستواي في اللغة وللا كورس دراسي بتعلم فيه اللغة ولو كورس دراسي أفضل مكان ممكن أخد فيه الكورس ده فين وهل هو مستويات وايه المستوى المطلوب ولو عندك فكرة عن مدة الكورس والسعر . أسف إذا كنت أطلت عليك وشاكر ليك مجهودك
معتز نبيل الهوارى
25 سبتمبر, 2009
@emo
التويفل المطلوب هو LOCAL TOEFEL
فاعتقد ان اى شهادة تويفل معتمدة تتقبل ان شاء الله
معتز نبيل الهوارى
25 سبتمبر, 2009
@AshrafBekhit
و عليكم السلام و رحمة الله و بركاته
شهادة التويفل هى شهادة امتحان تحديد مستوى فى اللغة الانجليزية , و المطلوب Local Toefel 400
كان فى واحد حجز الامتحان فى جامعة عين شمس ب 100 جنيه
فى مركز فى المنصورة منزل كورس تجهيز للامتحان Local Toefel ب 300
احمد
25 سبتمبر, 2009
يا جماعه ممكن الناس الى امتحنت التويفل يقولنا شكل لامتحان كان ازاى صعب ولا سهل لو فيه حد يرفع لنا ايه الى ممكن الواحد يذاكره بالظبط الماتريال بخصوص امتحان التويفل
developer
26 سبتمبر, 2009
شكرا على المجهود الكبير ويارب يكون فى ميزان حسناتك عندى سوال بالنسبه لToefel انا مفيش معايا شهاده للتويفل ومفيش وقت اخدها لان المنحه تقريبا قربت تنزل اعمل ايه
محمد عبد الوهاب
26 سبتمبر, 2009
يا جماعة الحقوا احجزوا فى عين شمس جايز تلحقوا امتحان 11/10/2009 … 100 جنيه