بسم الله الرحمن الرحيم
سيتم اعلان المنحة آخر هذا العام و ستحتوى على الأقسام التالية :
- Database Development and Administration
- Graphics Design and Development
- Networking
- Networking Security
- Linux/Unix System Administration
- Object Oriented Application Development
- Web Application Development
- Java Mobile Application Development
- Software Engineering and Software Testing and Quality
لمزيد من المعلومات اقرأ المصدر
Pages:
ياجماعه انا وصلتنى اخبار من موظفيين اداريين فى بعض المراكز القائم فيها دراسه المنحه ان الوضع مطول قوى المره دى
ونصحونى انى ابدأ طريقى العملى دون انتظار المنحه لانها هطول ومعنى كده ان الشروط هتتغير
واللى حسيته منهم كمان ان الوضع لو فضل كده يبقى احتمال كبير المنحه توقف على قد كده فى مصر
علشان كده انا قررت انى ابدا شغل واستغل السنه دى فى جمع اكبر قدر من المال وادرس انا مع نفسى و الذل ليهم كده
ايه ياجماعة مفيش اخبار عن معادالمنحة دى ولا ايه ….
هى ايه الحكايه لو نويين يلغوها طيب ميقولو ليه مخبيين هما خيفين يقولو ولا ايه ومستنيين الناس تفقد الامل لوحدها وتنسى حكايه المنحه
يا جماعة انا كلمت المعهد امبارح وعرفت ان ميعاد التقديم هيبدأ يوم 20-7-2010 ان شاء الله
جهزوا نفسكوا
يا جماعه حد يعرف حاجه عن منحه 6 شهور من الاى تى اى اولا التقدير شرط ولا لا وهتبدء امتى وكمان هى كويسه ولا لا
يعنى هى سبوبه لاكتر ولا اقل ياريت اى حد يعرف عنها حاجه يفدنا بيها .
وياريت يقولنا هى موجوده فى الصعيد ولا لا.
منحه ايه بتاعه الست شهور دى؟
naglallam انت او انتى مش عارف بقى بتقصد ان المنحه فى شهر يوليو ؟
@ naglallam
اعتقد انك تقصدى منحة الITI , لكن الموضوع هنا على منحة MCIT اللى كان المفروض تبدأ من السنة اللى فاتت
انا فعلا اقصد منحة ال ITI واسفة اوي لو كنت لخبطت بس افتكرت تقصدوا المنحة دي. ربنا معاكوا ويوفقكوا يارب
يا شباب انا ليا رأي في موضوع منحة اتصالات .. دلوقتي احنا في شهر 3 و منحة الـ TIT, شهر 7 على حسب كلام naglallam وكلامها صح علشان الـITI, مش بتتأخر ولا بتتأجل ان شاء الله , فلو كل واحد فينا شاف هو ضعيف في ايه و يقوي نفسه علشان يستعد ليها و على فكرة منحة الـ ITI اقوى فعلا , بس تقريبا في امتحانات ال track منحة اتصالات بتوفرلك الامتحان انما الـITI معنديش علم.
اللى تجيلة فرصة منحة ميفرطش فيها علشان بجد بتفرق جدا جدا, متقولش انا هشتغل اي حاجة واستقر و خلاص الا لو فعلا الشركة اللى انت فيها جامدة فعلاً, انما لو الشركة مش اوي ادخل المنحة و مش هتندم ابداً بالعكس تماماً انا والله اعرف ناس المنحة فتحتلحم طرق كتيييير جوا و برا مصر .
و اعرف بنت شغالة HR في شركة و بتقولى الناس اللى بيتخرجو من الـ ITI بناخد الـCV بتاعتهم و نحطها على جنب كده على كدة كدة هنكلمهم و الشركات بتجري وراهم و هما ينقو احسن عرض من احسن شركة والله فعلاً.
و ربنا يوفق الجميع و ربنا معانا جميعاً يا رب
لو سمحتnaglallam ممكن تقولى رقم المعهد iti وشكرا جدا
@sara
ده أرقام فروع معهد ال ITI
http://iti.gov.eg/contactUs.asp
السلام عليكم كنت عايز اوضح ان فيه شرط من شروط المنحة انها بتقبل خريجى سنة 2008 و 2009 و 2010 بس و انا كنت قدمت قبل كده فى المنحة ديه و نجحت فى الامتحان بس ماعتدش من الانترفيو و طبعا المنحة ديه احسن منحة فى مصر يا جماعة بالتأكيد و كمان بيدوك لاب توب و مرتب الف جنية فى الشهر و مفيش حاجة اسمها تعليم انجليزى 3 شهور زى MCIT لان طبعا ده تضيع وقت و كنت عايز اقول ان انا خريج 2008 يعنى مش حيبنفع اقدم فى المنحة تانى ….شروط منحة ITI السنة اللى فاتت كانت TOEFL score 550 at least طبعا مش لازم تقدم شهادة التويفل فى الاول انت ممكن تقدمها بعد كده لو نجحت بس بتبقى فى صالحك لاما يجو يختارو الناس بيشوفو انهى واحد احسن فى كل حاجة و فيه شرط كمان ان تقديرك التراكمى جيد على الاقل وطبعا الامتحان السنة اللى فاتت كان سعب جدا جدا خاصة تراك الانجليزى كان عايز واحد امريكى عشان ينجح فيه …. اهم حاجة تحل اسئلة IQ على قد ماتقدر و تحفظ اكبر كم من الكلمات بس الكلمات الغريبة اوى حاول تقرى مجلات على قد ماتقدر فيه مجله اسمها Reader’s Digest ابحث عنها فى النت حتلاقيها على موقع torrentz.com …. ابحث عن اسم المجلة فى الموقع فى search engine …. والسلام ختام
انا حريج 2007 مش 2008 مش عايز يحصل سوء تفاهم مش عايز الاقى مصر كلها بكرة كاتبة انى ينفع ادخل المنحة هههه البركة فيكم يا شباب
شكراً يا littleAngek على مشاركتك بجد … بس احب اوضحلك حاجة ان انتي لو خريجة 2008 ليكي فرصة انك تقدمي في المرة الجاية علشان دي هتبقى زي ما انتي قلتي 2008 و 2009 و 2010 مع العلم ان المنحة المرة اللي جاية هتكون بتاعت 2010 في 2008 هيقدر يقدم فيها عادي بس هتكون أخر مرة …. اجتهدي و ربنا يوفقك يااااا رب جميعا … انا 2008 و خريج حاسبات بس الجيش بقى هنعمل ايه ..
و ان شاء الله هقدم المرة اللي جاية ..
ربنا معانا جميعاً
هاهاهاهاهاهاهاهاها …. ده انا ما صدقت بقى ؟؟
معلش ربنا معاكي يا رب و ان شاء الله اتصالات تنزل و تكوني فيها … دعواتك
انا ملاحظ ان الناس بدأت تتكلم على الاى تى اى هو خلاص منحه وزاره الاتصالات مش هتنزل تانى ولا ايه ولا فعلا لسه هيعملوا مناقصه من جديد يعنى على الاقل هتبدأ السنه الجيه.
ياجماعه انا وصلتنى اخبار من محاضر زميل اخويا شغال فى معهد new horizons واكدلى النهارده ان المعهد اتعاقد على منحه MCIT وكمان معاهد تانيه وقريب جدا هتنزل اخبار على تقديم المنحه
وانا على فكره خريج 2006 يعنى معدتش قدامى غير فرصه منحه mcit بس لان ITI محتاجين زى مانتوا قلتوا خريجى 2007و 2008 و 2009 المشكله انى سمعت انهم طالبين تويفل السنه دى فى MCIT فمش عارف هيركزوا عليه ولا ايه ربنا يستر ويوفق الجميع
الاستاذ محمد السعيد
الخبر ده اكيد ولا مش اكيد عشان احنا سمعنا اخبار كتير قبل كده و فى الاخر مفيش جديد.
وياريت لو تسال المحاضر زميل اخوك لو كانت الشركه فعلا بدأت تستعد للمنحه ولا لا.
وانا وصلتنى اخبار من محاضرين فى مراكز مختلفه ان المنحه ما فيش فيها اى جديد وان الوزاره ماعندهاش اى اخبار واحتمال تتأجل السنه دى
لان ما تمش اى تعاقد حتى الان
والله اعلم
استر من دى حكومه يارب
ياريت ياجماعه حد يكون قريب من الوزاره يروح هناك ويسأل بنفسه ويحاول يستنتج شىء اكيد ويدلنا نعمل ايه
بصوا يا جماعه هو الواضح انه المنحه مش مضمونه وبصراحه هى كده شكلها هتتاجل للسنه الجيه او تتلغى اصلا عشان كده احنا المفروض ننسى المنحه ونبدأ نرتب حياتنا على كده وألا هنندم على الوقت اللى ضاع على الفاضى.
السلام عليكم
بصوا يا جماعة … زى ما قال samy أحب أأكد على كلامة .. أنا انتظرت المنحة دى أكثر من سنتين .. ورتبت أمور على كده كتير لدرجة ان فيه فرص تانيه ضاعت منى .. ماتغلطوش غلطتى …. أعتبروا ان مافيش منحة .. ابدا من غيرها… بصوا يا جماعة .. أنا محاضر فى شركة تدريب من الشركات اللى بتاخد المنح دى .. محاضر ICDL وعارف التعقيدات بتاعة الأمور دى وتعقيدات التعامل مع الحكومة …. على فكرة الناس اللى منتظرين ممكن يدخلوا منحة جيل المستقبل .. دى جامدة جدا وهتفيدكم وحتخليكم تستفادوامن الوقت.. قدم ليها فى جامعة القاهرة أو مدينة نصر .. أنا اصلا محاضر فيها وعارف قد ايه هيه مفيده.
منحه جيل المستقبل دى بتشترط تقدير جيد او كليات معينه؟؟؟؟؟؟؟؟؟
لا .. بس أهم حاجه تجتاز اختبار بسيط فى الانجلييش بيحددلك مستواك اللى حتبدا منه
بجد بجد حسبى الله ونعم الوكيل انا اسمى محمود وانا متابع المنتدى من زمان وانا مستنى المنحه دى من حوالى سنه ونص وصرفت كتير على الكورسات والتوفيل والبرمجه عشان ابقى مؤهل للانتر فيوولالخر تقولولى مش هتنزل السنه دى
حسبي الله ونعم الوكيل
بس انا روحت سألت فى مركز عندنا فى طنطا اسمه IBM قالولى انها احتمال كبير تنزل الشهر اللى جاى (ابريل) وربنا يسهل ياريت لو حد عرف حاجه يقولها على طول وشكرا
يا استاذ محمد عبد الوهاب ياريت تقولنا معلو مات اكتر عن منحه جيل المستقبل دى ومتطلباتها ايه بالظبط
عشان انا اتخنقت من البلد دى؟؟؟؟؟؟؟؟؟؟؟؟؟؟؟؟؟؟؟؟؟؟
طيب لو سمحت تدلنى اقدم ازاى او المواعيد او اعرف ازاى او العنوان او رق تليفون
يارجالة جبتلكو موقع منحة جيل المستقبل ماتخافوش لما تلاقو صورة ابن بابا حسنى فى اول الموقع ده بيضحك و لابس بدلة جميلة والله هم دول الشباب اللى يفرح هو بيعمل بس اعمال خيرية فى الاول عشان الناس تحبه هههههه بس تفتكرو البدلة ديه ماركة ايه بس اكيد غالية توكيل يعنى معمولة مخصوص عشان عيلة بابا حسنى
http://www.fgf.org.eg/default_arb.aspx
وبالاذن
هتلاقوا على الموقع ده التفاصيل .. شكرا يا آنجيل .. تقدر تروح تقدم فى جامعة القاهرة .. الباب اللى جنب محطة المترو .. مبنى جيل المستقبل .. أو تروح فرع مدينة نصر مكرم عبيد أدخل فى الشارع اللى جنب مول السلاب وبعدين أول يمين هتلاقيها الفبلا اللى على ناصية تانى شمال .. جامعة القاهرة بتوزعك على أكتر من فرع .. مدينة نصر نفس الفرع .. لو حد راح مدينة نصر أنا انستركتور هناك أسأل عليه لو قدامك مشكلة
الباب بتاع كلية دار العلوم
المنحه فعلا خلاص اعتمدت مالى وفنى وتم اخييار شركات التدريب والكلام دا يا جماعه انا متاكد منه لانى شغال ف شركه من اللى خدت المنحه
منقوووووووول
يا جماعه الكلام ده صح ولا وجع دماغ وكلام فاضى كل منقول خلاص سيبك من المنحه يقولولنا المنحه هتبدا
يا ريت يا بشمهندس معتز ترد علينا اذا كان فى معلومات اكيده ولا ده كله مجرد كلام فاضى.
يا جماعة انتم ما زهقتوش .. شوفوا حالكم .. ولما ان شاء الله تنزل ساعتها ابقى شوفوا هتعملوا ايه …… بالنسبة لجيل المستقبل .. آه باب دار العلوم
انا سمعت ان كل حاجه جهزت مش ناقص الا ان الحكومة تبعت الفلوس للشركات وتنزل الاعلان بس ياريت حد يقولنا دا هيحصل امتي
كله كلام
مفيش أي إثبات
معاك حق كله كلام ما فيش اثبات
الكل لازم يدور على شغل وما يسمعش للحكومه دى تانى
ياجماعه المفروض نبدأ ندور على حاجه تانيه ممكن نذاكر مع نفسنا والشهاده دى بعدين لان اى مكان ممكن نشتغل فيه بالكفاءه ومش بالشهادات
نبدأ وربنا يكرمنا
لكن منحه من الوزاره من امته الاهتمام ده من الحكومه للشباب اكيد لالالالالالالالالالالالالالالالالا
ياريت حد يروح يسال في الوزاره
” اللهم فارج الهم ، كاشف الغم ، مجيب دعوة المضطرين ، رحمان الدنيا والآخرة ورحيمهما ، أنت ترحمني ، فارحمني برحمة تغنيني بها عن رحمة من سواك “
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ }
فينك يابشمهندس معتز
ياريت تسأل علي اخر الاخبار وترد علينا
انت بقالك كتييييييييييير ناسينا
باييييييييييييز من فضلك لوووووووووو سمحت
السلام عليكم يا شباب اخبار كويسه المنحه بدأت وده اللينك الى تخشو عليه عشان لو عايزين تعرفو اى تفاصيل
http://www.hmst3tab.com/vb/t16154.html#post34359
هل المنحه هتنزل في الفيوم ول لا وهي هتضم مركز سنرجي ول نيوهريزون بس مكتوب في الاعلان القاهره والاسكندريه بس ايه النظام حد يفهمنا
هو التعليق اللى بيقول المنحه نزلت تحذف ليه
يريت حد يفهمنا المنحه نزلت ولا دى مش المنحه اللى احنا مستنينها
محمد نتلى تبلتلاقل تقبا تتلاق تاقتا
هو التقديم فى المنحة دى مفتوح لغاية امتى بالظبط؟؟؟؟؟
يعنى اسبوعين بس ولا اكتر ؟؟؟؟؟؟
السلام عليكم و رحمة الله و بركاته
أنا اسف على عدم التواجد الفترة الماضية نظرا لانشغالى بتحضيرات الزواج و تسليم احد المشاريع , الرجاء مشاهدة هذا الموضوع الخاص بالمنحة
http://mo3taz.elhawary.net/2010/05/04/new-horizons-mcit-2010/
اللى هو عن اللينك اللى الأخ احمد بعته , انا فى الاول شكيت انها تكون اشاعة علشان كده حجبته حتى التاكد , لكنى حتى الان لست متاكد 100%
يا جماعة الاعداد ملها قليلة اوي كده غير العداد اللي موجودة في كراسة الشروط..الموضوع فيه حاجة
ربنا يوفق الجميع